Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 42-րդ կետով և հիմք ընդունելով Հայաստանի տարածքային զարգացման հիմնադրամի կողմից իրականացվող Սոցիալական ներդրումների և տեղական զարգացման /ՍՆՏԶ/ ծրագրին մասնակցելու համար Բերդ համայնքի ղեկավարի առաջարկությունը Համայնքի ավագանին որոշում է՝
1.Ծրագրին մասնակցելու համար դիմել Հայաստանի Տարածքային զարգացման հիմնադրամին (ՀՏԶՀ)`համայնքի հետևյալ առաջնահերթ խնդրով, Բերդ համայնքի Պառավաքար գյուղի խմելու ջրագծի կառուցում: 2.Հայտի հաստատման դեպքում որպես գործընկեր կատարել 30,000,000 դրամի ներդրում`ՍՆՏԶ ծրագրի պահանջներին համապատասխան: 3.Ծրագրի իրականացման դեպքում վերականգնված ենթակառուցվածքի շահագործման և պահպանման անհրաժեշտ ծախսերը ներառել համայնքի բյուջեում: 4.Հանձնարարել համայնքապետարանին պատրաստել և ՀՏԶՀ-ին ներկայացնել համապատասխան հայտ`ծրագրին մասնակցելու վերաբերյալ: 5.Վերականգնված ենթակառուցվածքը չօտարել, չսեփականաշնորհել կամ չօգտագործել այլ նպատակներով ծրագրի ավարտից հետո 15 տարվա ընթացքում: 6.Սույն որոշումն ուժի մեջ է մտնում ստորագրման պահից: |