Համաձայն Բերդի ավանային խորհրդի գործկոմի սեփականաշնորհման հանձնաժողովի 17.04.1991թ. N 2 որոշման Անդրանիկ Սարգսի Կոստանյանին սեփականաշնորհվել է 11-002-0217-0003 ծածկագրով վարելահող: 05.11.2019 թվականին Բերդի համայնքապետարան է դիմել հանգուցյալ Անդրանիկ Սարգսի Կոստանյանի մահացած՝03.05.1995թ., կինը՝ Սիրուշ Ֆրիդոնի Կոստանյանը, որ իր հանցուցյալ ամուսնու անվամբ գրանցված վարելահողը չժառանգելու և հողից հրաժարվելու խնդրանքով, 2005թ. քարտեզագրման աշխատանքների ժամանակ այդ հողամասը չափագրվել և տեղեկագրում ներառվել է Անդրանիկ Սարգսի Կոստանյանի անվամբ: ՀՀ կառավարությանն առընթեր անշարժ գույքի կադաստրի պետական կոմիտեի Բերդի տարածքային ստորաբաժանումը քարտեզագրողների ներկայացրած փաստաթղթերի հիման վրա այդ հողամասը ներառվել է Բերդ քաղաքի հողի բազայում` առանց պետական գրանցման:
Ղեկավարվելով <<Տեղական ինքնակառավարման մասին>> ՀՀ օրենքի 77-րդ հոդվածի 3-րդ կետով, ՀՀ հողային օրենսգրքի 95-րդ հոդվածի 4-րդ կետով, 101-րդ հոդվածի 1-ին կետով և 64-րդ հոդվածի 8-րդ կետով և հիմք ընդունելով Բերդ համայնքի ղեկավարի առաջարկությունը Համայնքի ավագանին որոշում է՝
1.Բերդ համայնքի Բերդ քաղաքի վարչական սահմաններում գտնվող Անդրանիկ Սարգսի Կոստանյանի անվամբ սեփականաշնորհված 11-002-0217-0003 ծածկագրով վարելահողը 0,058հա մակերեսով ճանաչել համայնքային սեփականություն:
2.Սույն որոշումն ուժի մեջ է մտնում ընդունման պահից: |