Այսօր: Ուրբաթ, 23 Հունիսի 2017թ.
Բերդի համայնքապետարանի պաշտոնական կայք
ԲԵՐԴ ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ

ՆՈՐՈՒԹՅՈՒՆՆԵՐ
01.01.18 ԲԱՐԻ ԳԱԼՈՒՍՏ www.berdcity.am ԿԱՅՔ

Ուրախ եմ Ձեզ ողջունել Բերդի համայնքապետարանի պաշտոնական ինտերնետային կայք էջում: Շնորհակալություն մեր աշխատանքի նկատմամբ հետաքրքրության համար: Հուսով եմ` այստեղ կգտնեք Ձեզ համար օգտակար տեղեկություններ, կայքն իր բովանդակությամբ և բազմաթիվ հնարավորություններով Ձեզ համար կդառնա տեղեկատվության լավագույն աղբյուր:


Բերդ համայնքի ղեկավար Հարություն Մանուչարյան

05.06.17 Կատարվում է համայնքային ճանապարհների մաքրման և հարթեցման աշխատանքներ

Համայնքում ընթանում է միջհամայնքային  ճանապարհների մաքրման և հարթեցման աշխատանքներ: Աշխատանքները իրականացվում են յուրաքանչյուր տարի համայնքային բյուջեի միջոցներով և <<Բերդի կոմունալ ծառայություն>> ՀՈԱԿ-ի տարեկան ծրագրի հիման վրա:Ճանապարհների մաքրման և հարթեցման աշխատանքները նախատեսված են նաև համայնքի զարգացման ծրագրում և կատարվում են ըստ ժամանակացույցի:

02.06.17 Երեխաների պաշտպանության միջազգային օրը նշվեց նաև Բերդ համայնքում
Հունիսի 1-ին, Հայաստանի տարբեր մարզերում և քաղաքներում, նաև Բերդ քաղաքում բազմաթիվ միջոցառումներ են կազմակերպվում երեխաների համար:Բերդի մանկական զբոսայգում կազմակերպվեց համերգ և ցուցահանդես-վաճառք, ցուցադրվեցին հիվանդություններով  երեխաների ձեռքի աշխատանքները : Համայնքի ղեկավարի՝Հարություն Մանուչարյանի կողմից քաղաքի 720 երեխաներ ստացան գեղեցիկ նվերներ: Երեխաների համար անակնկալներ էին պատրաստել  հասարակական կազմակերպությունները՝ ՀՕՖ-ի կողմից կազմակերպվեց կավճանկարչության մրցույթ, որի հաղթողները պարգևատրվեցին պատվոգրերով և մրցանակներով: Հույսի կամուրջ ՀԿ-ի կողմից իրականցվեց մաստեր կլասներ՝նկարազարդումներ, ցուցահանդես, ֆոտոմրցույթի հաղթողներին շնորհվեցին նվերներ և շնորհակալագրեր: Արվեստի ... Մանրամասն
01.06.17 Բերդ համայնքի ղեկավար Հարություն Մանուչարյանի շնորհավորական ուղերձը նվիրված երեխաների պաշտպանության միջազգային օրվան
Հայաստանում հունիսի 1-ը նշվում է որպես երեխաների պաշտպանության միջազգային օր: Այս կապակցությամբ կցանկանայի իմ ջերմ շնորհավորանքներն ու ողջույնները հղել մեր փոքրիկներին: Երեխաների պաշտպանության միջազգային օրը հավանաբար աշխարհի ամենապայծառ տոներից մեկն է: Եվ այդ տրամադրության ճառագողը հենց մեր փոքրիկներն են` իրենց բարի ու անբիծ էությամբ: Երեխային հայ ընտանիքում միշտ էլ առանձնակի դեր է վերապահված եղել: Այսօր էլ նույնությամբ շարունակվում է այդ ընկալումը, երբ ծնողներն անում են իրենցից եկած ամեն հնարավորը` ապահովելու երեխաների անհոգ մանկությունը, բոլոր երազանքների ու ցանկությունների իրականացումը: Կարծում եմ` յուրաքանչյուր երեխա ունի իր ձիրքն ու տաղանդը, և մեր` ավագներիս կոչումն ու պարտքն է պաշտպանել ... Մանրամասն
01.06.17 Հայտարարություն
ՀՀ գյուղատնտեսության նախարարության և Համաշխարհային Բանկի աջակցությամբ, «Ագրոբիզնեսի և գյուղի զարգացման կենտրոն» (CARD) հիմնադրամի հետ համատեղ, «Գյուղատնտեսական ծրագրերի իրականացման գրասենյակ» ՊՀ-ի կողմից իրականացվող CARMAC ծրագրի շրջանակներում հիմնված Բերդ համայնքի Անասնաբուժական և գյուղատնտեսական սպասարկման կենտրոնն (ԱԳՍԿ) առաջարկում է ծառայությունների լայն շրջանակ՝ ֆերմերային տնտեսություններին. արհեստական սերմնավորման ծառայություններ, անասնաբուժական ծառայություններ,  բարձրորակ անասնաբուժական դեղորայքի մատակարարում, անասնաբուժական և անասնապահական սարքավորումների և պարագաների վաճառք, գինեգործական սարքավորումների վաճառք, չրանոցների վաճառք, այգեգործական ... Մանրամասն
31.05.17 Հայտարարություն

Հարգելի համաքաղաքացիներ. սիրով տեղեկացնում ենք, որ 2017թ. հունիսի 10-ին և դրան հաջորդող յուրաքանչյուր շաբաթ և կիրակի օրերին ՀՀ գյուղատնտեսության նախարարության և Երևանի քաղաքապետարանի նախաձեռնությամբ Երևան քաղաքի Արաբկիր վարչական շրջանում (Կասյան փողոցի վերին հատված) նախատեսվում է կազմակերպել գյուղատնտեսական մթերքների տոնավաճառներ: Գյուղացիական տնտեսություններին հնարավորություն կընձեռնվի անվճար մասնակցելու տոնավաճառներին և Երևան քաղաքի սպառողներին ներկայացնելու բացառապես սեփական արտադրանքը: Տոնավաճառին մասնակցելու ցանկություն և լրացուցիչ հարցեր ունենալու դեպքում կարող եք զանգահարել հետևյալ հեռախոսահամարներով`077-65-46-94, 2-37-79, 2-10-81:

27.05.17 Բերդ համայնքի ղեկավար Հարություն Մանուչարյանի շնորհավորական ուղերձը վերջին զանգի օրվա առթիվ
 Սիրելի՛ շրջանավարտներ.  Շնորհավորում եմ բոլորիդ դպրոցական կյանքի յուրօրինակ օրվա` վերջին զանգի առթիվ: Օրվա խորհրդին համահունչ` բոլորդ ապրում եք հակասական զգացումներ` մի կողմից ժպտադեմ, երբ թևակոխում եք կյանքի նոր ու կարևորագույն փուլ, մյուս կողմից տխրադեմ, քանզի հեռանում եք հարազատ դարձած օջախից: Ավարտելով ուսումնառության առաջին հարթակը` շատերդ կշտապեք համալսարաններ, ուսումնարաններ` էլ ավելի զարգացնելու ձեր իմացության աստիճանը: Կյանքի այդ նոր ուղու հետ համընթաց ձեր քայլքը հնարավոր է դառնում գերազանցապես դպրոցում ստացած գիտելիքների պաշարով:Համոզված եմ, որ դպրոցում ձեռք բերված փորձը, խորաթափանցությունն ու հմտությունները կենսական նշանակություն են ունենալու ձեր` առաջիկայում սպասվող պատասխանատու ... Մանրամասն
27.05.17 «Մաքուր Հայաստան» համապետական շաբաթօրյակ

 Այսօր՝ մայիսի 27-ին, «Մաքուր Հայաստան» նախաձեռնության շրջանակներում Հայաստանի Հանրապետությունում անցկացվեց համապետական շաբաթօրյակ, որից անմասն չմնաց նաև Բերդ համայնքը:  Բերդի կոմունալ ծառայության աշխատակիցները, ինչպես նաև Բերդի համայնքապետարանի աշխատակազմը  բազմաթիվ անհատ քաղաքացիները լծվեցին քաղաքային միջավայրի մաքրության գործին։ Մաքրման աշխատանքներն ընդգրկել են ինչպես առաջնային նշանակության ճանապարհային հատվածներն ու հիմնական փողոցները, այնպես էլ բակային տարածքներն ու մեր քաղաքի ծայրամասերը։  Տարբեր թաղամասերում քաղաքի մաքրության հանդեպ սրտացավ քաղաքացիները միասնաբար ներգրավվել էին առողջ ու մաքուր միջավայր կերտելու նախաձեռնությանը:

22.05.17 Գիտաժողով.Մասնագիտական կրթությունը` սահմանամերձ բնակավայրերի հզորացման նախապայման
ՀՀ կրթության և գիտության նախարարությունը նախաձեռնել է «Մասնագիտական կրթությունը և ուսուցումը՝ հեռավոր և սահմանամերձ (սահմանապահ) բնակավայրերի հզորացման նախապայման» խորագրով գիտաժողովների շարք, որի երկրորդ հանդիպումը կայացել է ՀՀ Տավուշի մարզի Բերդ քաղաքում: Անցկացման վայրի ընտրությունը պայմանավորված է հանրային ուշադրությունը սահմանամերձ ու սահմանապահ բնակավայրերին հրավիրելու և տեղական միջավայրը ակտիվացնելու հանգամանքով: Միջոցառմանը մասնակցել են ՀՀ պետական և տեղական ինքնակառավարման մարմինների, Տավուշի մարզի գործարար հատվածի և մասնագիտական ուսումնական հաստատությունների, ինչպես նաև միջազգային և տեղական կազմակերպությունների, ՀԿ-ների ներկայացուցիչներ: Միջոցառման մասնակիցներին ՀՀ կրթության ... Մանրամասն
21.05.17 Աշխարհահռչակ ամերիկահայ դաշնակահար ՇԱՀԱՆ ԱՐԾՐՈՒՆԻՆ Բերդում
ՀՕՖ-ի և համայնքապետարանի աջակցությամբ, Բերդ քաղաքում բարեգործական համերգով հանդես եկավ աշխարհահռչակ ամերիկահայ դաշնակահար ՇԱՀԱՆ ԱՐԾՐՈՒՆԻՆ: Շահան Արծրունին ծնվել է Ստամբուլում` 1943 թվականին, ապրում է ԱՄՆ-ում:Ստամբուլի կոնսերվատորիան ավարտելուց հետո 1964 թվականին Գյուլբենկյան կրթաթոշակով հաճախել է Նյու Յորքի «Julliard» կոնսերվատորիան։ Համերգային գործունեությունից բացի, Շահան Արծրունին հայտնի է նաև՝ իբրև ազգային էթնիկ երաժշտության մեկնաբան, մանկավարժ, գրող և պրոդյուսեր։ Իր ձայնագրություններով ու կատարումներով դաշնակահարը մասնակցել է ամերիկյան հեռուստատեսության PBS կայանի «Around the world in 82», «Gala of stars» և «A place of dreams: ... Մանրամասն
1 2 3 4 5 6 7 8 9 10 ...


ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ք.Բերդ, Լևոն Բեկի 5

(0267)2-37-79

berd.tavush@mta.gov.am

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2017 Հեղինակային իրավունքները պաշտպանված են
ԲԵՐԴԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ v2.01
ԲԿԳ Մրցանակ 2015 - OGP Award 2015
2015 Regional Winner