Գլխավոր էջ

01.10.24 Համայնքի ղեկավարն այցելել է համայնքի` ծննդյան 100-ամյակը բոլորած բնակիչներին

Տարեցների միջազգային օրվա կապակցությամբ այսօր՝ հոկտեմբերի 1-ին, Բերդ համայնքի ղեկավար Աստղիկ Հակոբյանն այցելել է համայնքի` ծննդյան 100-ամյակը բոլորած բնակիչներին՝ Զիրավարդ Մարդանյանին(01.01.1924թ., գ.Նավուր), Աստղիկ Վարդանյանին(00. 00. 1913թ., գ. Մովսես), Մարուս Խաչատրյանին(00.00. 1923թ., գ. Մովսես) և Մանյակ Բաղմանյանին(28.09.1924թ., գ. Չորաթան)։ Համայնքի ղեկավարը շնորհավորել է նրանց Տարեցների միջազգային օրվա կապակցությամբ՝ մաղթելով առողջություն և բարեկեցություն։ Աստղիկ Հակոբյանին ուղեկցել են Բերդի համայնքապետարանի աշխատակազմի քարտուղար Մարտին Ապրեսյանը, Չորաթանի վարչական ղեկավար Վարուժան Բաղմանյանը, Մովսեսի վարչական ղեկավար Արմեն Փոլադյանը, համայնքապետարանի այլ աշխատակիցներ։ Բերդի ... Մանրամասն

29.09.24 Վարագա Սուրբ Խաչի տոն. տեղի է ունեցել 21-րդ ուխտագնացությունը` դեպի Նոր Վարագավանք

Հայաստանյայց Առաքելական Սուրբ Եկեղեցին այսօր` սեպտեմբերի 29-ին, նշել է Վարագա Սուրբ Խաչի տոնը։

Տոնի կապակցությամբ տեղի է ունեցել ավանդական դարձած 21-րդ ուխտագնացությունը` դեպի Նոր Վարագավանք։

Բերդի տարածաշրջանի հոգևոր հովիվ Տեր Արամ քահանա Միրզոյանը պատարագ է մատուցել։

Պատարագին մասնակցել է նաև Բերդ համայնքի ղեկավար Աստղիկ Հակոբյանը։

Հավարտ պատարագի կատարվել է Անդաստանի կարգ, և Տիրոջ Խաչափայտի մասունքով օրհնվել են պատմական Տավուշ աշխարհի 4 ծագերը։

27.09.24 Այսօր Արցախյան 44-օրյա պատերազմի չորրորդ տարելիցն է

Այսօր Արցախյան 44-օրյա պատերազմի չորրորդ տարելիցն է:

Անուն առ անուն հիշենք այն հայորդիներին, որոնք կրել են հայրենիքն իրենց սրտերում և նահատակվել՝ հանուն հայրենիքի:

Հավերժ փա՛ռք ձեզ, տղե՛րք:

Խոնարհվում ենք ձեր սուրբ հիշատակի առջև:

Բերդ համայնքից զորակոչված, Արցախյան 44-օրյա պատերազմի ընթացքում նահատակված զինծառայողների լուսանկարները:

26.09.24 «Վարդանանց ասպետներ» կազմակերպության ներկայացուցիչներն այցելել են Բերդ

ԱՄՆ-ի «Վարդանանց ասպետներ» կազմակերպության ներկայացուցիչները հերթական այցով Բերդ համայնքում են: Բերդ համայնքի ղեկավար Աստղիկ Հակոբյանը և Բերդի տարածաշրջանի հոգևոր հովիվ Տեր Արամ քահանա Միրզոյանն ընդունել են նրանց Սբ. Հովհաննես եկեղեցում: Աստղիկ Հակոբյանը, ողջունելով հյուրերին, իր երախտագիտությունն է հայտնել նրանց՝ համայնքում իրականացրած ծրագրերի համար. «Հոգաչափ շնորհակալ եմ ձեր հայրենանվեր գործունեության համար: Չափազանց բարձր եմ գնահատում ձեր ջանքերն ու նվիրումը: Աստված պահապան բոլորիդ»: «Գեղեցիկ ավանդույթ է դարձել. հակառակ դժվարությունների՝ ամեն տարի այցելում եք Բերդ համայնք: Տարին մեկ օր՝ ֆիզիկապես, 365 օր՝ սրտով, հոգով, մտածումներով մեր կողքին եք: ... Մանրամասն

25.09.24 Ուշադրություն

Հարգելի՛ հայրենակիցներ,

Հայաստանյայց Առաքելական Սուրբ Եկեղեցին այս տարի Վարագա Սուրբ Խաչի տոնը նշում է սեպտեմբերի 29-ին. այդ օրը նաև Նոր Վարագավանքի ուխտի օրն է:

Տեղեկացնում ենք, որ սեպտեմբերի 29-ին՝ ժամը 11:00-ին, Նոր Վարագավանքում կմատուցվի Սուրբ և Անմահ Պատարագ:

Հավարտ Սուրբ Պատարագի կկատարվի Անդաստանի կարգ, և Տիրոջ Խաչափայտի մասունքով կօրհնվեն պատմական Տավուշ աշխարհի 4 ծագերը:

Սիրով հրավիրում ենք բոլորիդ՝ մասնակից լինելու արդեն ավանդույթ դարձած և մեր համայնքի համար կարևոր նշանակություն ունեցող այս իրադարձությանը:

24.09.24 Կայացել է Բերդ համայնքի ղեկավարին կից երիտասարդական խորհրդի նիստը

Կայացել է Բերդ համայնքի ղեկավարին կից երիտասարդական խորհրդի հերթական նիստը:

Նիստին ներկա են եղել համայնքի ղեկավար Աստղիկ Հակոբյանը, համայնքապետարանի աշխատակազմի զարգացման ծրագրերի, կրթության, մշակույթի, սպորտի, երիտասարդության և առևտրի բաժնի պետ Գևորգ Չոբանյանը:

Համայնքի ղեկավարը ողջունել է երիտասարդներին՝ մաղթելով արդյունավետ աշխատանք:

Ընտրվել է խորհրդի կազմը, ընդունվել է նոր կանոնադրություն:

Բերդ համայնքի ղեկավարին կից երիտասարդական խորհրդի նախագահ է ընտրվել Յուլիա Մարգարյանը, քարտուղար՝ Նելլի Ներսիսյանը:

Քննարկվել են երիտասարդության առաջնային խնդիրները և խորհրդի առաջիկա անելիքները:

21.09.24 Բերդ համայնքի ղեկավար Աստղիկ Հակոբյանի շնորհավորական ուղերձը Հայաստանի Հանրապետության անկախության տոնի առթիվ

Սիրելի՛ հայրենակիցներ,Այսօր Հայաստանի Հանրապետության անկախության 33-րդ տարեդարձն է: 33 տարի առաջ հայ ժողովուրդը վճռական պայքարով ընտրեց անկախ պետականություն կերտելու ճանապարհը՝ ի կատար ածելով իր գերագույն նպատակը: Յուրաքանչյուր հայի համար չափազանց կարևոր այս տոնն առիթ է՝ կրկին արժևորելու անկախության խորհուրդը, հետադարձ հայացք ձգելու անցած երեք տասնամյակներին, վերլուծելու ձեռքբերումներն ու կորուստները, հաջողություններն ու դժվարությունները և նախանշելու առաջիկա անելիքները: Անկախությունը բացարձակ,գերագույն արժեք է: Յուրաքանչյուրիս սրբազան պարտքն է պահպանել այն և փոխանցել սերունդներին: Սիրելի՛ հայրենակիցներ,Ջերմորեն շնորհավորելով Հայաստանի Հանրապետության անկախության տոնի կապակցությամբ՝ ... Մանրամասն

1 2 3 4 5 6 7 8 9 10 ...